গুৱাহাটী, ২০ অক্টোবৰ : নিজস্ব চিন্তাৰে স্বাৱলম্বী হ’বলৈ সকলোৱে বিচাৰে ,কিন্তু বহু কম লোকেহে হাতে-কামে প্ৰয়াস কৰে। উত্তৰ গুৱাহাটী যুৱ ব্যৱসায়ী অনুপম বড়াই নিজৰ সপোনক বাস্তৱ কৰা প্ৰয়াসেৰে বহুদিনৰ পৰা হাতে-কামে আগবাঢ়িছিল। এই ফলস্বৰূপে তেওঁৰ দ্বিতীয়খন ত্ৰিয়াঞ্চ ইলেক্ট্ৰনিকচ দোকান অলপতে উত্তৰ গুৱাহাটী ৰজাদুৱাৰত মুকলি কৰা হয় । জনপ্ৰিয় অভিনেত্ৰী বৰষা ৰাণী বিষয়াই এই ইলেক্ট্ৰনিকছ দোকানখন মুকলি কৰে। এই অনুষ্ঠানত অভিনেত্ৰীগৰাকীয়ে যুৱ ব্যৱসায়ী অনুপম বড়াক শুভেচ্ছা জ্ঞাপন কৰি তেওঁৰ উন্নতি কামনা কৰে। ইতিমধ্যে উত্তৰ গুৱাহাটী কলেজ নগৰত থকা প্ৰথমখন ত্ৰিয়াঞ্চ ইলেক্ট্ৰনিকচে ৰাইজৰ সহায় পাবলৈ সক্ষম হৈছে। শেষত উক্ত অনুষ্ঠানত উপস্থিত প্ৰতিজন ব্যক্তিয়ে যুৱ ব্যৱসায়ী অনুপম বড়া উত্তৰণৰ কামনা কৰাৰ লগতে শুভেচ্ছা জ্ঞাপন কৰে।
#প্ৰদীপ গগৈ