বিশেষ বাৰ্তা, ২৪ অক্টোবৰঃ বংগোপসাগৰত তীব্ৰতৰ হৈ পৰিছে ঘূৰ্ণি ধুমুহা হামুন। ইয়াৰ বাবে বতৰ বিজ্ঞান বিভাগে উপকূলীয় অঞ্চলত হাই এলাৰ্ট জাৰি কৰিছে। কেৱল এয়াই নহয় বতৰ বিজ্ঞান বিভাগে জনসাধাৰণক ধুমুহাৰ বিষয়ে অৱগত হৈ থাকিবলৈ আৰু চৰকাৰী পৰামৰ্শ মানি চলিবলৈ কৈছে। ঘূৰ্ণিবতাহ হামুনে যোৱা ৬ ঘণ্টাত প্ৰতি ঘণ্টাত ২৩ কিলোমিটাৰ বেগেৰে উত্তৰ-পূব দিশলৈ গতি কৰিছিল বুলি বতৰ বিজ্ঞান বিভাগে জানিবলৈ দিয়ে। ইয়াৰ তীব্ৰতা কেইবা ঘণ্টা ধৰি থকাৰ সম্ভাৱনা থাকে। ইয়াৰ পিছত উত্তৰ-পূব দিশলৈ যোৱাৰ সময়ত ই ক্ৰমান্বয়ে দুৰ্বল হৈ পৰিব। বতৰ বিজ্ঞান বিভাগে জনোৱা মতে, ২৫ অক্টোবৰৰ সন্ধিয়া খেপুপাৰা আৰু চট্টগঙৰ মাজৰ বাংলাদেশৰ উপকূল পাৰ হোৱাৰ সম্ভাৱনা আছে। এই সময়ছোৱাত ইয়াত লেণ্ডফ’ল হ’ব পাৰে। ঘূৰ্ণিবতাহ হামুনৰ গতিবেগ প্ৰতি ঘণ্টাত ৬৫ৰ পৰা ৭৫ কিলোমিটাৰলৈ বৃদ্ধি পাব আৰু প্ৰতি ঘণ্টাত ৮৫ কিলোমিটাৰ হ’ব। একে সময়তে হামুনৰ বাবে কেৰালা আৰু তামিলনাডুত প্ৰবল বৰষুণ দেখা গৈছে। ইয়াত ২৪ ঘন্টা ধৰি বৰষুণ দি আছে। বতৰ বিজ্ঞান বিভাগে জনোৱা মতে, আজি ঘূৰ্ণিবতাহ তীব্ৰতৰ হৈ পৰিছে। অহা কেইঘণ্টামানৰ বাবে তীব্ৰতা থাকিব আৰু তাৰ পিছত বাংলাদেশত প্ৰৱেশ কৰিব। বতৰ বিজ্ঞান বিভাগৰ তথ্য অনুসৰি আজি আৰু কাইলৈ অসমৰ দক্ষিণ অংশ, ত্ৰিপুৰা, নাগালেণ্ড, মণিপুৰ আৰু মিজোৰামত প্ৰবল বৰষুণৰ সম্ভাৱনা আছে। এই সময়ছোৱাত ঘণ্টাত ৪০ৰ পৰা ৫০ কিলোমিটাৰ বেগত বতাহ বলিব পাৰে। ইয়াৰ উপৰি আগন্তুক ২৪ ঘন্টাত কেৰালা আৰু তামিলনাডুত ধাৰাসাৰ বৰষুণ হব। ইফালে আৰব সাগৰৰ ‘তেজ’ ঘূৰ্ণিবতাহ য়েমেন আৰু ওমানৰ উপকূলত উপস্থিত হৈছে। বতৰ বিজ্ঞান বিভাগে প্ৰকাশ কৰা তথ্য অনুসৰি ঘূৰ্ণিবতাহে য়েমেনৰ উপকূল অতিক্ৰম কৰি দুৰ্বল হৈ পৰে।
#নিয়মীয়া বাৰ্তা ডিজিটেল ডেস্ক