বিশেষ বাৰ্তা, ২১ ডিচেম্বৰ : নাহৰকটীয়া চহৰৰ সমীপৰ নগাঁওঁ তিনিআলিত আজি এক অত্যাধুনিক ক্ৰিকেট ষ্টেডিয়ামৰ আধাৰশিলা স্থাপন কৰা হয়।অসম ক্ৰিকেট সন্থাৰ সম্পাদক ত্ৰিদিপ কোঁৱৰৰ উপস্থিতিত অসম ক্ৰিকেট সন্থাৰ সভাপতি তথা নাহৰকটীয়াৰ বিধায়ক তৰংগ গগৈয়ে এই ক্ৰিকেট ষ্টেডিয়াম তথা খেলপথাৰৰ আধাৰশিলা স্থাপন কৰে। প্ৰায় ২ কোটি টকা ব্যয়ৰে ২৫ বিঘা ভূমি সামৰি নিৰ্মাণ হবলগীয়া এই ক্ৰিকেট গ্ৰাউণ্ডখনৰ লগতে ষ্টেডিয়ামটো আগন্তুক এবছৰৰ ভিতৰত নিৰ্মাণ সম্পূৰ্ণ হৈ উঠিব বুলি জানিবলৈ দিয়ে অসম ক্ৰিকেট সন্থাৰ সভাপতি তৰংগ গগৈয়ে। তদুপৰি আগন্তুক ২০২৪ বৰ্ষৰ ডিচেম্বৰত অসম প্ৰিমিয়াৰ ক্ৰিকেট লীগৰ প্ৰতিযোগিতা খনি এইখন গ্ৰাউণ্ডতে অনুষ্ঠিত কৰাৰ আশা প্ৰকাশ কৰে এচিএৰ সভাপতি তৰংগ গগৈয়ে।এই আধাৰশিলা স্থাপন অনুষ্ঠানত অসম ক্ৰিকেট সন্থাৰ কোষাধ্যক্ষ চিৰঞ্জিত লাংথাছা,যুটীয়া সম্পাদক ৰাজেন্দ্ৰ সিং,কাৰ্যবাহী বিষয়া প্ৰীতম মহন্ত আদি উপস্থিত থাকে।
প্ৰেৰক প্ৰাঞ্জল ভূঞা