বিজেপিৰ প্ৰাক্তন সাংসদক ধমক দৰঙৰ উপায়ুক্তৰ

নিয়মীয়া বাৰ্তা ২৫ ফেব্ৰুৱাৰীঃ উঠিৰজা বহিৰজা হৈ পৰিছে অসমৰ আইএএছ বিষয়াসকল৷ বিশেষকৈ একাংশ অনা–সমীয়া আইএএছ বিষয়াৰ শেহতীয়া আচৰণত স্তম্ভিত হৈ পৰিছে ৰাজ্যৰ ৰাজনীতিবিদসকলে৷ আনকি শাসকীয় দলৰ জ্যেষ্ঠ নেতাকো অভব্য আচৰণ কৰিবলৈ কুণ্ঠাবোধ নকৰে তেওঁলোকে৷ নতুন দিল্লীত এখন সংবাদমেলত এই চাঞ্চল্যকৰ অভিযোগ ডত্থাপন কৰিছে প্রাক্তন বিজেপি সাংসদ ৰমেন ডেকাই৷ সংবাদ মেলত নিজৰ ব্যক্তিগত অভিজ্ঞতাৰ কথা ব্যক্ত কৰি তেওঁ কয় যে দৰং জিলাৰ ডপায়ুক্তজনে অলপতে তেওঁক ধমকি দি ফোন কাটি দিছিল৷ তাৰ পিছত আজিলৈকে ডপায়ুক্তজনে তেওঁৰ ফোন ‘ৰিচিভ’ কৰা নাই৷ এই কথাত মর্মাহত হৈ ডেকাই সংবাদ মাধ্যমৰ কাষ চাপিছে৷ তেওঁ কয় যে সাংসদ হৈ থাকোঁতে তেওঁৰ সমষ্টিয়ে পাব লগীয়া ধনৰ কথা পাতিবলৈ দৰঙৰ ডপায়ুক্ত ঘনশ্যাম দাসক অলপতে তেওঁ ফোন কৰিছিল৷ পিছে দাসে ডেকাক ডচ্চ–বাচ্য কৰি ফোনটো কাটি দিয়ে৷ ডেকাই লোকসভাৰ অধ্যক্ষ ওম বিৰলাৰ কার্যালয়ত দৰঙৰ ডপায়ুক্তজনৰ বিৰুদ্ধে আজি এক অভিযোগ দাখিল কৰিছে৷ লগতে প্রধানমন্ত্রী কার্যালয়তো বিষয়াজনৰ বিৰুদ্ধে অভিযোগ জনাই আহিছে প্রাক্তন সাংসদজনে৷ কেৱল দাস বুলি নহয়, অসমৰ আইএএছ বিষয়াসকলে জনপ্রতিনিধি, তলতীয়া বিষয়া আনকি ৰাইজকো অতি অভব্য আচৰণ কৰে বুলি ডেকাই আজি এক গুৰুতৰ অভিযোগ ডত্থাপন কৰিছে৷ পূর্বৰ কংগ্রেছ চৰকাৰৰ দিনত তেওঁ আইএএছ বিষয়াসকলৰ এনে ব্যৱহাৰ প্রত্যক্ষ কৰা নাছিল৷ কোনো গুৰু–গোসাঁই নমনা ডঠিৰজা বহিৰজা এনে বিষয়াসকলক নাকী লগাবলৈ ডেকাই আজি ৰাজ্যৰ মুখ্যমন্ত্রী সর্বানন্দ সোণোৱালাক সংবাদমেলযোগে আহ্বান জনায়৷