ফিফা বিশ্বকাপ ২০২৬ৰ ৰাউণ্ড অৱ-৩২ত এক ৰোমাঞ্চকৰ খেলত ক্ৰ’ৱেছিয়াক ২-১ গ’লত পৰাস্ত কৰি শীৰ্ষ-১৬ত প্ৰৱেশ কৰিছে পৰ্তুগালে।
পৰ্তুগালৰ হৈ গনচালো ৰাম’ছ আৰু ক্ৰিষ্টিয়ানো ৰ’নাল্ডোৱে এটাকৈ গ’ল দিয়ে। কিন্তু জয় একেবাৰে সহজ নাছিল। খেলৰ অন্তিম ক্ষণত গনচালো ৰাম’ছে এক গুৰুত্বপূৰ্ণ হেডাৰে বিজয়সূচক গ’ল কৰি পৰ্তুগালক শীৰ্ষ-১৬ৰ টিকট নিশ্চিত কৰে।
গ’লকীপাৰ ডিয়েগো কষ্টায়ো একাধিক দৃষ্টিনন্দন ছেভ কৰি দলটোক জয়ৰ পথত আগবঢ়োৱাত মুখ্য ভূমিকা পালন কৰে।
আনহাতে, ক্ৰ’ৱেছিয়াই সমগ্ৰ খেলখনত পৰ্তুগালক তীব্ৰ প্ৰত্যাহ্বান জনায়। অন্তিম মুহূৰ্তত যোশ্কো গ্ভাৰ্দিয়লে গ’ল কৰি খেলখন অতিৰিক্ত সময়লৈ নিয়াৰ আশা জগাই তুলিছিল যদিও অফছাইডৰ বাবে গ’লটো বাতিল কৰা হয়।
ইয়াৰ ফলত ক্ৰ’ৱেছিয়াৰ সাহসিকতাপূৰ্ণ অভিযানৰ কৰুণ সমাপ্তি ঘটে। দীঘল সময় ধৰি পৰ্তুগালৰ সমানে সমানে যুঁজ দিয়া জ্লাটকো ডালিচৰ দলটোৱে শেষ মুহূৰ্তলৈকে আত্মসমৰ্পণ নকৰিলেও ভাগ্যই সঁহাৰি নিদিলে।
এই জয়ৰ সৈতে পৰ্তুগালে এতিয়া ৰাউণ্ড অৱ-১৬ত স্পেইনৰ বিৰুদ্ধে এক বহুল প্ৰতীক্ষিত হাইভ’ল্টেজ মেচ খেলিব।
ডিজিটেল ডেস্ক, ৩ জুলাই