নিয়মীয়া বাৰ্তা, ১৬ এপ্ৰিলঃ ক’ৰোনা ভাইৰাছ মহামাৰীৰ পৰা পৰিত্রাণ পাবলৈ পাকিস্তানে পুনৰ দুই সপ্তাহৰ বাবে লকডাউন বৃদ্ধি কৰাৰ সময়তে দেশখনত কট্টৰ ইছলামিক নেতাসকলে মছজিদবোৰত সমূহীয়া নামাজ চলাই যোৱাৰ সিদ্ধান্ত লৈছে ৷ মঙলবাৰে কট্টৰপন্থী ইছলাম ধর্মগুৰুসকলে কৰাচীত এক বৈঠক অনুষ্ঠিত কৰি এই সিদ্ধান্ত গ্রহণ কৰিছে ৷ স্মর্তব্য যে ৩০ এপ্রিললৈ দেশখনত লকডাউন অব্যাহত থাকিব যদিও ইয়াক ধর্মগুৰুসকলে কেতিয়াও মানি নচলে বুলি স্পষ্ট কৰি দিছে ৷ ইয়াৰ লগে লগে দেশখনত চৰকাৰ আৰু কট্টৰ ইছলামপন্থীৰ মাজত সৃষ্টি হৈছে তীব্র মতানৈক্য ৷