নিয়মীয়া বাৰ্তা ১৯ এপ্ৰিলঃ আজি গুৱাহাটী মেডিকেল কলেজ হাস্পাতলৰ পৰা সম্পূৰ্ণ সুস্থ হৈ উঠাৰ পিছত মুক্তি দিয়া হয় গুৱাহাটীৰ প্ৰথম জন ক’ৰোনা আক্ৰান্ত মনীষ তিব্ৰিৱালক। মনীষৰ কেইবাটাও পৰীক্ষাৰ ফলাফল নিগেটিভ অহাৰ পিছত আজি চিকিৎসালয়ৰ পৰা মুক্তি দিয়া হয়। মনীষ তিব্ৰিৱালে স্বাস্থ্য মন্ত্ৰী ড০ হিমন্ত বিশ্ব শৰ্মাৰ প্ৰশংসাত পঞ্চমুখ হৈ পৰে। তিব্ৰিৱালে কয় যে আমি ভাগ্যৱান যে আমাক তেওঁ ( ড০ হিমন্ত বিশ্ব শৰ্মা) নেতৃত্ব দি আহিছে আৰু সকলোকে বাবে আদৰ্শ হৈ পৰিছে। তেওঁ লগতে কয় যে চিকিৎসালয়ৰ কৰ্মচাৰী সকলে যথেষ্ট পৰিমাণে সহযোগ কৰিলে। মনীষ তিব্ৰিবাল মহানগৰীৰ স্পেনিছ গাৰ্ডেনৰ বাসিন্দা আৰু প্ৰটকল অনুসৰি হোম কোৱাৰেণ্টাইনত থাকিব।