নিয়মীয়া বাৰ্তা ২০ মেঃ উত্তৰ গুৱাহাটীৰ এগৰাকী যুৱতী ক’ভিড-১৯ ত আক্ৰান্ত হৈছে। তাৰ পিছতেই শিৱসাই কোম্পানীটো ছীল কৰি দিছে প্ৰশাসনে। ক’ভিড আক্ৰান্ত যুৱতী গৰাকী শিৱ সাই কোম্পানীৰ আৱাসী আছিল।
উল্লেখ্য যে যুৱতী গৰাকী বাংগালুৰুৰ পৰা পৰিয়ালৰ সৈতে যোৱা শনিবাৰে আহি গুৱাহাটীত উপস্থিত হৈছিল। পৰিয়ালটোৰ এজন সদস্যৰ চিকিৎসাৰ বাবে বাংগালুৰুলৈ গৈছিল। মংগলবাৰে যুৱতীগৰাকীক ক’ভিডত আক্ৰান্ত হয় বুলি নিশ্চিত হয়।
কামৰূপ জিলা উপায়ুক্তৰ উপস্থিতত ক’ভিড আক্ৰান্ত যুৱতী গৰাকীক মঙলবাৰে নিশাই মহেন্দ্ৰ মোহন চিকিৎসালয়লৈ প্ৰেৰণ কৰা হৈছে।