নিয়মীয়া বাৰ্তা- ১জুনঃ নগাঁও জিলাৰ চামগুৰি আৰক্ষী থানাৰ অধীনৰ পুৰণিগুদাম আৰক্ষী চকীৰ অন্তৰ্গত কাষৰিগাৱঁৰ ৩৭ নং ৰাষ্ট্ৰীয় ঘাইপথৰ পৰা যোৱা নিশা আৰক্ষীয়ে অভিযান চলাই পাচঁ জন দুৰ্ধৰ্ষ ডকাইতক পিষ্টল সহ আটক কৰিবলৈ সক্ষম হয় ৷ ঘটনা সন্দৰ্ভত জানিব পৰা মতে নগাঁও জিলা উপ-আৰক্ষী অধীক্ষক কল্যাণ কুমাৰ দাসৰ নেতৃত্বত পুৰণিগুদাম আৰক্ষী চকীৰ ভাৰপ্ৰাপ্ত আৰক্ষী বিষয়া বিৰদাও গয়াৰীৰ সহযোগত এটা আৰক্ষী দলে যোৱা নিশা এক গোপন সুত্ৰৰ পম খেদি নগাঁও দিশৰ পৰা আহি থকা অৱস্থাত কাষৰিগাৱঁৰ ৩৭ নং ৰাষ্ট্ৰীয় ঘাইপথত অভিযান চলাই ক্ৰমে আমনিৰ জিয়াবুৰ ৰহমান ২৭) পেনাই বাজিয়াগাৱঁৰ ৱাহিদুল ইছলাম (৩১)মাগুৰমাৰীৰ মাৰফৎ আলী (২০) দিজুবস্তিৰ জামছেদ আলী (২৯) আৰু মাগুৰমাৰীৰ মফিদুল ইছলাম (২০) নামৰ দুৰ্ধৰ্ষ পাচঁজন ডকাইতক আটক কৰিবলৈ সক্ষম হয় ৷লগতে উক্ত ডকাইত কেইজনৰ পৰা আৰক্ষীয়ে ৭.৬৫ পিষ্টল .২২ পিষ্টল আৰু এটা পুতলা পিষ্টল সহ আঠ জাই সজীৱ গুলি উদ্ধাৰ কৰিবলৈ সক্ষম হয় বুলি আৰক্ষীৰ এক সুত্ৰই জানিবলৈ দিয়ে ৷ আনহাতে যোৱা নিশা আৰক্ষীয়ে আটক কৰা দুৰ্ধৰ্ষ ডকাইত কেইজনক আজি আদালতত হাজিৰ কৰাই জেল হাজোতলৈ প্ৰেৰণ কৰে বুলি জানিব পৰা গৈছে ৷