নিয়মীয়া বাৰ্তা, ৬ জুন : কামৰূপ জিলাৰ ছয়গাঁও আৰক্ষী থানাৰ অন্তৰ্গত জোৰশিমুলীত যোৱা নিশা আৰক্ষীয়ে অভিযান চলাই দুজন লোকক আটক কৰে । জানিব পৰা মতে, যোৱা নিশা প্ৰায় ১০ বজাত ছয়গাঁও আৰক্ষীয়ে জোৰশিমুলীৰ লাৰোৱাজানৰ পৰা ড্ৰাগছ সহ দুজন লোকক আটক কৰে । আটক কৰা লোক দুজন হল চুৰাব আলী আৰু ৰবিউল হক । উক্ত লোক দুজনৰ লগতে এটা চিৰিঞ্জসহ তিনিটা কন্টেইনাৰ সৈতে কিছু পৰিমাণৰ নিচাযুক্ত টেবলেট আৰক্ষীয়ে উদ্ধাৰ কৰিবলৈ সক্ষম হয় । উল্লেখ্য যে চুৰাৱ আলীৰ লগত এখন নথি বিহিন ১৫০ চিচি পালছাৰ বাইক আৰক্ষীয়ে উদ্ধাৰ কৰে । উদ্ধাৰ কৰা পালছাৰ বাইক খনৰ নম্বৰ হ’ল এ এছ ২৫ কিউ ১২৬৪ । ড্ৰাগছৰ বিৰুদ্ধে ছয়গাঁও আৰক্ষীয়ে মাৰাথান তদন্ত অব্যাহত ৰাখিছে ।