নিয়মীয়া বাৰ্তা ১ জুলাই : পেট্ৰল-ডিজেলৰ মূল্য বৃদ্ধিৰ প্ৰতিবাদত আজি বাওঁ গণতান্ত্ৰিক মঞ্চ , নগাঁৱৰ উদ্যোগত ৫টা ৰাজনৈতিক দলে আজি নগাওঁ চহৰত মতিৰাম বৰা উদ্যানৰ সন্মুখত ধৰ্ণা কাৰ্য্যসূচী ৰূপায়ন কৰে। চি পি আই, চি পি আই (এম), চি পি আই (এম এল), আৰ চি পি আই, আম আদমী পাৰ্টিৰ সদস্য সকলে সামাজিক দূৰত্ব মানি পেট্ৰল-ডিজেলৰ মূল্যবৃদ্ধিৰ প্ৰতিবাদত ধৰ্ণা কাৰ্যসূচী ৰূপায়ন কৰে। পেট্ৰলজাত সামগ্ৰীৰ মূল্যবৃদ্ধি ৰোধ কৰাৰ দাবীত বিভিন্ন শ্লোগান দি পৰিৱেশ উত্তাল কৰি তোলে। এই কাৰ্যসূচীত চি পি আইৰ ৰাতুল বৰা, চি পি আই (এম)ৰ অমৰেন্দ্ৰ শৰ্মা, চি পি আই (এম এল)ৰ অৰূপ কুমাৰ মহন্ত, আৰ চি পি আইৰ হামদুৰ ৰহমান, আমি আদমী পাৰ্টিৰ নুৰুল হাছান আদিয়ে অংশগ্ৰহণ কৰে।