নিয়মীয়া বাৰ্তা ২৫ জুলাইঃ মহামাৰী কৰোনা ভাইৰাছে ৰাজ্যখনত ভয়াবহ ৰূপ ধাৰণ কৰিছে । ভয়াবহ COVID-19 সন্দৰ্ভত সজাগতা সৃষ্টিৰ উদ্দেশ্য হাতত ৰং-তুলিকা লৈ ওলাই আহিল চিৰাং জিলাৰ বিজনীৰ এদল চিত্ৰ শিল্পী । বিজনী পৌৰসভাৰ সহকাৰী আয়ুক্ত বুবুল বৈশ্যৰ সহযোগত বিজনীৰ একাংশ উদ্যোমী চিত্ৰ শিল্পীয়ে COVID-19 সন্দৰ্ভত সজাগতা সৃষ্টিৰ উদ্দেশ্য বিজনী চহৰৰ পথৰ দাঁতিৰ বিভিন্ন দেৱালত এইদৰে চিত্ৰ অংকন কৰিবলৈ আৰম্ভ কৰিছে। বিজনী চহৰৰ ১ নং ৱাৰ্ডৰ একাংশ চিত্ৰকৰ চিত্ৰশিল্পীয়ে কৰোনা সজাগতাৰ বাবে ” Super Hero” ৰ থীম বাছি লৈছে। তেওঁলোকে super Hero সকলে মাস্ক পৰিধান কৰাৰ চিত্ৰ অংকন কৰিছে। ইয়াৰ দ্বাৰা সৰ্বসাধাৰণ ৰাইজক মাস্ক পৰিধান কৰিবলৈ তেওঁলোকে আহ্বান জনাইছে ।