বানপীড়িত আৰ্নে চাপৰিৰ বহু পৰিয়ালক নৰ্থ ইষ্ট ষ্টুডেন্টচ ইউনিয়ন গুজৰাট শাখাৰ বান সাহায্য বিতৰণ

নিয়মীয়া বাৰ্তা, ১৬ আগষ্টঃ গুজৰাটত অধ্যয়ন কৰি থকা উত্তৰ পূৰ্বাঞ্চলৰ ছাত্ৰ-ছাত্ৰী সকলৰ ছাত্ৰ সংগঠন নৰ্থ ইষ্ট ষ্টুডেন্টচ ইউনিয়নৰ গুজৰাট, বদদৰাৰ উদ্যোগত আজি ধেমাজি জিলাৰ চিচি ৰাজহ চক্ৰৰ অন্তৰ্গত বানপীড়িত আৰ্নে চাপৰিৰ বানাক্ৰান্তক বান সাহাৰ্য্য প্ৰদান কৰে।ছাত্ৰ সংগঠনটোয়ে আৰ্নে চাপৰিৰ দুকুৰি বানাক্ৰান্ত পৰিয়ালৰ মাজত চাউল, দাইল, চয়াবিন, মিঠাতেল, নিমখ, চেনিটেৰি নেপকিন বিতৰণ কৰা হয়। বান সাহাৰ্য্য বিতৰণ কৰা কাৰ্যসূচীত নৰ্থ ইষ্ট ষ্টুডেন্টচ ইউনিয়ন, গুজৰাট বদদৰা শাখাৰ সদস্যা অনিন্দিতা বসুমতাৰী, সদস্য দুলিপ পেগু, মানৱ দলে আৰু স্থানীয় যুৱক প’ল পেগু উপস্থিত থাকে। ছাত্ৰ সংগঠনটোৰ এনে প্ৰচেষ্টাক বানাক্ৰান্ত পৰিয়ালৰ ৰাইজে শলাগ লৈছে।