নিয়মীয়া বাৰ্তা, ২১ আগষ্টঃ বিজেপিৰ অসম ৰাজ্যিক কমিটীৰ সাংগঠনিক কাম–কাজ সুচাৰুৰূপে পৰিচালনা কৰাৰ বাবে কেইবাটাও কোষ গঠন কৰিছে৷ ৰাজ্যিক সভাপতি ৰঞ্জিত কুমাৰ দাসৰ নির্দেশত মুঠ ২০টা কোষ গঠন কৰা হৈছে৷ এই সন্দর্ভত জাৰি কৰা জাননী অনুসৰি আত্মনির্ভৰ ভাৰতৰ আত্মনির্ভৰ অসম কোষৰ আহ্বায়কৰ দায়িত্ব দিয়া হৈছে ড০ প্রদীপ ঠাকুৰীয়াক৷ সহঃ আহ্বায়ক হিচাপে থাকিব দীপক শইকীয়া আৰু বন্দনা বৰঠাকুৰ৷ আঠটা কোষৰ আহ্বায়কৰ দায়িত্ব অর্পণ কৰা হৈছে বিজন মহাজনক৷ সত্যব্রত কোঁৱৰ আৰু মুকেশ চাচানক সহঃ আয়োজক হিচাপে নিয়োগ কৰা হৈছে৷ সেইদৰে বৌদ্ধিক কোষৰ আহ্বায়ক হিচাপে ধ্রুৱপ্রসাদ বৈশ্যক আৰু সহঃ আহ্বায়ক হিচাপে জিতেন গগৈক দায়িত্ব দিছে ৰাজ্যিক বিজেপিয়ে৷
আনহাতে বৃত্তিগত কোষৰ আহ্বায়ক প্রদীপ কুমাৰ নাহালৈ সহঃ আহ্বায়ক অশোক ঝুনঝুনৱালা, অর্থনৈতিক কোষৰ আহ্বায়ক ড০ দেৱজিত মাহাটে আৰু সহঃ আহ্বায়ক মুকেশ শর্মাক দায়িত্ব দিয়া হৈছে৷ ইপিনে চিকিৎসা কোষৰ আহ্বায়ক হিচাপে নিযুক্তি দিয়া হৈছে বীৰেন্দ্র কুমাৰ নাথক৷ এই কোষত সহঃ আহ্বায়ক হিচাপে থাকিব নিৰঞ্জন কলিতা আৰু বিদ্যাৱতী দাস৷ শিক্ষক কোষত ড০ মৃদুল দত্তক আহ্বায়ক আৰু শিৱ সিংহ কোঁৱৰক সহঃ আহ্বায়ক, সমবায় কোষত গোপী ঘোষক আহ্বায়ক আৰু দিলজিত বর্মনক সহঃ আহ্বায়ক, এক্স ছার্ভিচমেন কোষত উইং কমাণ্ডাৰ মনোজ কুমাৰ বৰাক আহ্বায়ক আৰু এয়াৰ ভাইচ মার্শ্বাল সঞ্জীৱ বৰদলৈক সহঃ আহ্বায়ক, অসংগঠিত শ্রমিক কোষত ড০ অমিয় কুমাৰ ভূঞাক আহ্বায়ক আৰু ত্রিনয়ন বর্মনক সহঃ আহ্বায়ক, সাংস্কৃতিক কোষত যতীন বৰাক আহ্বায়ক আৰু বিদ্যাসাগৰ বৰা, ৰুদ্র জয়ন্ত ভাগৱতীক সহঃ আহ্বায়ক, ব্যৱসায়িক কোষত বিজয় কুমাৰ গুপ্তাক আহ্বায়ক আৰু অৰূপ বৰপূজাৰীক সহঃ আহ্বায়ক, শিপিনী কোষত গোবিন শইকীয়াক আহ্বায়ক আৰু মঞ্জু পেগুক সহঃ আহ্বায়ক হিচাপে নিযুক্তি দিছে ৰাজ্যিক বিজেপিয়ে৷ তদুপৰি গণেশ দাসক আহ্বায়ক আৰু ছেলিম আহমেদক সহঃ আহ্বায়ক হিচাপে লৈ মাছমৰীয়া কোষ গঠন কৰা হৈছে৷
সেইদৰে ক্ষুদ্র চাহ খেতিয়ক কোষৰ আহ্বায়কৰ দায়িত্ব দিয়া হৈছে বিকুল ডেকাক৷ এই কোষত সহঃ আহ্বায়ক হিচাপে নিয়োগ কৰা হৈছে দেৱজিৎ বৰা আৰু ৰাজেন বৰাক৷ ক্রীড়া কোষৰ আহ্বায়ক হিচাপে বিজিত গগৈ আৰু সহঃ আহ্বায়ক হিচাপে তপন দাস, অৰূপ ঠাকুৰীয়াক নিয়োগ কৰা হৈছে৷ প্রকাশ কোষত ড০ দেৱদত্ত বৰকাকতিক আহ্বায়ক আৰু জগদীশ দত্তক সহঃ আহ্বায়ক, প্রশিক্ষণ কোষত ব্রজ কুমাৰ দাসক আয়োজক আৰু বিশ্বজিৎ ৰায়ক সহঃ আহ্বায়ক, নির্বাচন সমন্বয়ক কোষত শশাংক জ্যোতি ডেকাক আহ্বায়ক আৰু ধ্রুৱজ্যোতি দাউকাক সহঃ আহ্বায়ক আৰু সমৰ ডেকাক দক্ষতা বিকাশ কোষৰ আহ্বায়কৰ দায়িত্ব প্রদান কৰা হৈছে৷