নিয়মীয়া বাৰ্তা, ১ ছেপ্টেম্বৰঃ প্ৰাক্তন ৰাষ্ট্ৰপতি প্ৰণৱ মুখাৰ্জীৰ মৃত্যুত দেশবাসী শোকসন্তপ্ত। কেন্দ্ৰীয় চৰকাৰেও সাতদিনীয়া ৰাষ্ট্ৰীয় শোক ঘোষণা কৰিছে।
এনে পৰিপ্ৰেক্ষিততে গুৱাহাটীৰ গান্ধীমণ্ডপত ভাৰতৰ তৃতীয় বৃহত্তম উচ্চতাত থকা জাতীয় পতাকাখন অৰ্ধনমিত কৰা হৈছে। উল্লেখনীয় যে শৰণীয়া পাহাৰত থকা মহাত্মা গান্ধীৰ স্মৃতিস্থলৰ এই পতাকাখন ৯৬০০ বৰ্গফুট উচ্চতাত অৱস্থিত।
কেন্দ্ৰীয় চৰকাৰে অহা ৬ ছেপ্টেম্বৰলৈ পালন কৰিবলগীয়া এই শোকৰ সময়ত সকলো কাৰ্যালয়-প্ৰতিষ্ঠান বা আন যিকোনো স্থলত অঁৰা জাতীয় পতাকা অৰ্ধনমিত কৰি ৰখা হৈছে।