নিয়মীয়া বাৰ্তা, ২ ছেপ্টেম্বৰঃ কালি নিশা গোপন সূত্ৰৰ পম খেদি আৰক্ষীয়ে চলোৱা এক তালাচী অভিযানত অস্ত্ৰসহ গ্ৰেপ্তাৰ কৰে এজন যুৱকক। জানিব পৰা মতে, তেজপুৰলৈ আহি থকা অৱস্থাত কলিয়াভোমোৰা দলঙত যুৱকজনক এটা ৭.৬৫ পিষ্টল আৰু পাঁচ ৰাউণ্ড সক্ৰিয় গুলীসহ গ্ৰেপ্তাৰ কৰে আৰক্ষীয়ে।
যুৱকজন নগাঁৱৰ ৰূপহীৰ ওচৰৰ গোনাবস্তিৰ নুৰ ইছলামৰ পুত্ৰ আনিচুৰ জামান (২৫) বুলি জানিব পৰা গৈছে। যুৱকজন কোনো উগ্ৰপন্থী সংগঠনৰ সদস্য নহয় যদিও কি অসৎ উদ্দেশ্যৰে তেজপুৰলৈ আহি আছিল তাক জানিব পৰা হোৱা নাই।