নিয়মীয়া বাৰ্তা, ৫ছেপ্টেম্বৰঃ সমগ্ৰ দেশৰ লগতে মৰিগাঁও জিলাৰ বাৰপূজীয়া অসম জাতীয়তাবাদী যুৱ ছাত্ৰ পৰিষদৰ আঞ্চলিক সমিতিয়ে ৫৯ সংখ্যক শিক্ষক দিবস উপলক্ষে বাৰপূজীয়া অঞ্চলতোৰ একাংশ আদৰ্শ শিক্ষকৰ ঘৰলৈ গৈ পুৱাই শিক্ষাগুৰুসকলক সেৱা-সম্বৰ্ধনা জ্ঞাপন কৰে । অক্লান্ত পৰিশ্ৰমেৰে ছাত্ৰ-ছাত্ৰী সকলক জ্ঞানৰ জ্যোতি বিলাই সমাজৰ প্ৰতি দায়বদ্ধতাৰ পৰিচয় দিয়া ৫ গৰাকী শিক্ষকক ক্ৰমে বিদ্যুত বিকাশ সেনাপতি , কুমুদ নাথ , ৰীনা দেৱী , বিজুলী দেউৰজা আৰু দিগন্ত টেৰণক একোখন গামোচা , একোটি কলম আৰু এটি মিঠাই টোপোলা দি সম্বৰ্ধনা জনায়। উক্ত অনুস্থানত অসম জাতীয়তাবাদী যুৱ-ছাত্ৰ পৰিষদ,মৰিগাঁও জিলা সমিতিৰ যুটীয়া সম্পাদক তথা বাৰপূজীয়া আঞ্চলিক সমিতিৰ মূখ্য উপদেষ্টা পিংকু মহন্ত , বাৰপূজীয়া আঞ্চলিক সমিতিৰ সভাপতি তৰুণ নাথ , সম্পাদক চুমৰিৎ জিৎ ৰাজবংশীৰ লগতে আঞ্চলিক সমিতিৰ বিষয়ববীয়া উপস্থিত থাকে।