নিয়মীয়া বাৰ্তা, ২ অক্টোবৰঃ জাতিৰ পিতা মহাত্মা গান্ধীৰ ১৫১ সংখ্যক জয়ন্তীৰ দিনটোত মৰিগাঁও জিলাৰ কপিলী সংহত শিশু উন্নয়ন প্ৰকল্পৰ অন্তৰ্গত বৃহত্তৰ চৰাইবাহী অঞ্চলৰ নিজ চৰাইবাহী ২নং অংগনৱাড়ী কেন্দ্ৰত গান্ধী জয়ন্তী উদযাপন কৰা হয় ৷
চৰাইবাহী অঞ্চলৰ সমুহ অংগনৱাড়ী কেন্দ্ৰৰ কৰ্মীসকলৰ উপস্থিতিত অনুষ্ঠিত হোৱা গান্ধী জয়ন্তী অনুষ্ঠানৰ প্ৰথমে জাতিৰ পিতা মহাত্মা গান্ধীৰ প্ৰতিচ্ছবিত বন্তি প্ৰজ্বলন কৰে কপিলী সংহত শিশু উন্নয়ন প্ৰকল্পৰ মুখ্যসেৱিকা বুলু বৰাই ৷
ইয়াৰ পিছতে বৃক্ষৰোপণ আৰু কৰ্মীসকলে স্বচ্ছ ভাৰত অভিযানৰ লগত সংগতি ৰাখি অঞ্চলটোৰ অংগনৱাড়ী কৰ্মীসকলে হাতত ঝাড়ু লৈ চাফাই অভিযান কাৰ্যসূচী ৰূপায়ণ কৰে ৷