নিয়মীয়া বাৰ্তা ২৯ নৱেম্বৰঃ পি.ই.বি. প্ৰযুক্তিৰে প্ৰথম পৰ্যায়ত অসমৰ বিভিন্ন ঠাইত নিৰ্মাণ হ’বলগীয়া ১০০টা আৰক্ষী নিৱেশৰ ভিতৰত আজি মাজুলীৰ জেংৰাইমুখৰপৰা ৭২টা আৰক্ষী নিৱেশৰ আধাৰশিলা স্থাপন কৰে মুখ্যমন্ত্ৰী সৰ্বানন্দ সোণোৱালে।
মৈত্ৰী আঁচনিৰ অধীনত নিৰ্মাণ হ’বলগীয়া এই অত্যাধুনিক নিৱেশসমূহে নিজৰ কৰ্তব্য সুচাৰুৰূপে পালন কৰি যোৱাৰ দিশত অসম আৰক্ষীক উৎসাহিত কৰাৰ লগতে আৰক্ষী প্ৰশাসন ব্যৱস্থাক অধিক সুচল কৰি তুলিব বুলি মন্তব্য কৰে মুখ্যমন্ত্ৰী সোণোৱালে।