নিয়মীয়া বাৰ্তা ৭ ডিচেম্বৰঃ আজি অনুষ্ঠিত হৈছে বিটিচি নির্বাচনৰ প্রথম পর্যায়ৰ ভোট৷ ক’ভিড প্রট’কল অনুসৰি কঠোৰ নিৰাপত্তা বেষ্টনীৰ মাজত ভোটগ্রহণ অনুষ্ঠিত হৈছে৷ ওদালগুৰি আৰু বাক্সা জিলাৰ মুঠ ২১টা পৰিষদীয় সমষ্টিৰ বাবে হ’বলগীয়া প্রথম পর্যায় ভোটত ভাগ্য নির্ণয় হ’ব এইবাৰ নির্বাচনত অৱতীর্ণ হোৱা ১৩০গৰাকী প্রার্থীৰ ভাগ্য৷
ওদালগুৰি জিলাৰ ১০টা পৰিষদীয় সমষ্টিত মুঠ ৬০গৰাকী প্রার্থী অৱতীর্ণ হৈছে৷ ৮০৭টা ভোটগ্রহণ কেন্দ্রত ভোটদান অনুষ্ঠিত হ’ব৷ সেইদৰে বাক্সা জিলাৰ ১১টা পৰিষদীয় সমষ্টিত মুঠ ৭০গৰাকী প্রার্থী অৱতীর্ণ হৈছে৷ জিলাখনত ৯৩২টা ভোটগ্রহণ কেন্দ্রত ভোটাৰ ৰাইজে ভোটাধিকাৰ সাব্যস্ত কৰিব৷
উল্লেখ্য যে বিটিচিত দ্বিতীয় পৰ্যায়ৰ নিৰ্বাচনৰ ভোটগ্ৰহণ অহা ১০ ডিচেম্বৰত অনুষ্ঠিত হ’ব।