নিয়মীয়া বাৰ্তা ১০ ফেব্ৰুৱাৰীঃ কৰিমগঞ্জ–পাথাৰকা পথত যোৱানিশা এটা ভয়াৱহ দুর্ঘটনাত প্রাণ হেৰুৱালে তিনিগৰাকী ব্যক্তিয়ে৷ নিশা ১০.৩০ বজাত পাথাৰকান্দি বাইপাছত চিমেণ্টৰ বস্তা কঢ়িয়াই অনা এখন ট্রাক ভয়ংকৰ দুর্ঘটনাত পতিত হয়৷ ঘটনাস্থলীতে তিনিওগৰাকী ব্যক্তিৰ মৃত্যু ঘটে৷ মাজনিশা দুগৰাকী লোকৰ মৃতদেহ উদ্ধাৰ কৰে এছডিআৰএফ জোৱানে৷ অৱশ্যে ইয়াৰ পূর্বে ঘটনাৰ বিকট শব্দ পাই স্থানীয় ৰাইজ ঘটনাস্থলীত উপস্থিত হৈ গাডীৰ ভিতৰৰ পৰা এজনৰ মৃতদেহ আৰু আন এজনক অক্ষত অৱস্থাত উদ্ধাৰ কৰে৷ উদ্ধাৰৰ পিছত আহত ব্যক্তিগৰাকীয়ে জনোৱা অনুসৰি তেওঁলোকৰ ঘৰ ত্রিপুৰাৰ কদমতলাত৷ দুর্ঘটনাত পতিত ট্রাকখন ত্রিপুৰাৰ পৰা আহিছিল বুলি স্থানীয় ৰাইজে সদৰী কৰে৷ ট্রাকখনৰ নম্বৰ এন এল–০১ কে–৪০৯৮৷ স্থানীয় ৰাইজৰ মতে, বাইপাছৰ উক্ত স্থানৰ পথছোৱা হেলনীয়া আৰু বিপজ্জনক৷ কিছুদিন আগতে ত্রিপুৰাৰ পৰা অহা অল্টো এখন উক্ত স্থানতে দুর্ঘটনাত পতিত হৈছিল৷
কার্বি আংলঙত দুর্ঘটনাগ্রস্ত বালিভর্তি ড্রাক, এজন নিহত
কার্বিপাহাৰৰ মাজত যোৱানিশা এখন বালিভর্তি ড্রাক দুর্ঘটনাত পতিত হৈ এজন শ্রমিকৰ মৃত্যু হয়৷ দুর্ঘটনাত চালকসহ আন এজন শ্রমিক গুৰুতৰভাৱে আহত হৈছে৷ জানিব পৰা মতে, যোৱানিশা প্রায় ৯.৩০ বজাত বালিভর্তি ড্রাক এখনে কার্বি আংলং জিলাৰ মাঞ্জা থানাৰ অন্তর্গত কঁঠাল বাগানত নিয়ন্ত্রণ হেৰুৱাই দুর্ঘটনা সংঘটিত হয়৷ ঘটনাস্থলীত থিতাতে ড্রাক শ্রমিক দ্বীপেন টেৰণৰ মৃত্যু হয়৷ চালক বিশাল সিং গুৰুতৰ আঘাতপ্রাপ্ত হয়৷ কেৰাণী টকবী নামৰ শ্রমিকজন আহত হয়৷ দুয়োকে ডিফু চিকিৎসা মহাবিদ্যালয় হাস্পতালত ভর্তি কৰোৱা হৈছে৷