নিয়মীয়া বাৰ্তা ১৫ ফেব্ৰুৱাৰীঃ দেওবাৰে নিশাৰ ভাগত জাপানৰ ৰাষ্ট্ৰদূত চাতোশ্বি চুজুকিৰ সৈতে গুৱাহাটীত উপস্থিত হয়হি কেন্দ্ৰীয় বৈদেশিক পৰিক্ৰমা বিভাগৰ মন্ত্ৰী এছ জয়শংকৰ । আজি দুয়োগৰাকী উপস্থিত হয়গৈ জাইকা পানীযোগান প্ৰকল্পত । তিনিবছৰ ধৰি নিৰ্মাণৰ কাম সম্পূৰ্ণ নোহোৱা এই প্ৰকল্পৰ কাম-কাজ জাপানৰ ৰাষ্ট্ৰদূতক লগত লৈ পৰিদৰ্শন কৰে কেন্দ্ৰীয় বৈদেশিক পৰিক্ৰমা মন্ত্ৰীগৰাকীয়ে । এই পৰিদৰ্শন স্থলীত মন্ত্ৰী ড০ হিমন্ত বিশ্ব শৰ্মাৰ উপৰিও মন্ত্ৰী সিদ্ধাৰ্থ ভট্টাচাৰ্যয়ো দুয়োকে সংগ দিয়ে । ২০২২ চনৰ জুলাইত পানীযোগান প্ৰকল্পটো সম্পূৰ্ণ হোৱাৰ সম্ভাৱনা ব্যক্ত কৰিছে বৈদেশিক পৰিক্ৰমা বিভাগৰ মন্ত্ৰী এছ জয়শংকৰে ৷
উল্লেখ্য যে, জাপানৰ বিনিয়োগকাৰী প্ৰতিষ্ঠান জাইকাৰ পুঁজিৰে নিৰ্মাণ কৰি থকা হৈছে প্ৰকল্পটো ৷ ১১২৬ কোটি টকাৰ ব্যয় সাপেক্ষে গেমন, জিন্দাল, JWIL নামৰ প্ৰতিষ্ঠানে প্ৰকল্পৰ নিৰ্মাণ কাৰ্য চলাই আছে ৷
উল্লেখ্য যে প্ৰকল্পস্থলীত উপস্থিত হোৱাৰ পূৰ্বে আজি পুৱাৰ ভাগত তেওঁলোকে মা-কামাখ্যা দৰ্শন কৰে । তেওঁলোকৰ এই যাত্ৰাত সংগ দিয়ে বিত্ত তথা স্বাস্থ্য মন্ত্ৰী ড০ হিমন্ত বিশ্ব শৰ্মাই ।