নিয়মীয়া বাৰ্তা ১৬ ফেব্ৰুৱাৰীঃ ক্রিটিকছ চইছ এৱার্ড চুটিছবি শিতানত ‘মীল’ৰ বাবে শ্রেষ্ঠ অভিনেতাৰ সন্মান লাভ কৰিছে অসম সন্তান অভিনেতা আদিল হুছেইনে৷ অভিৰূপ বসুৰ ‘মীল’ নামৰ ছবিখনত কৰা অনবদ্য অভিনয়ৰ বাবে আদিল হুছেইনক শ্রেষ্ঠ অভিনেতাৰ সন্মান প্রদান কৰা হৈছে৷ ১১ মিনিটৰ চুটিছবিখনত কোনো ধৰণৰ সংলাপ নাছিল৷ ‘মীল’ৰ বাবে শ্রেষ্ঠ অভিনেতাৰ সন্মান লাভ কৰা বুলি আদিল হুছেইনে টুইটাৰত প্রচাৰ কৰাৰ পাছতেই শুভাকাংক্ষীয়ে তেওঁক অভিনন্দন জনাইছে৷ মন কৰিবলগীয়া যে কাহিনী ছবিকে ধৰি বিভিন্ন শিতানত এই বঁটা প্রতিবছৰে আগবঢ়াই আহিছে৷