নিয়মীয়া বাৰ্তা, ১৬ মে’: শনিবাৰে সন্ধিয়া বোকাখাতৰ লখৌজানত প্রাক্তন মুখ্যমন্ত্রী সর্বানন্দ সোণোৱালৰ কনভয়ৰ পাইলট গাড়ী দুর্ঘটনাগ্রস্ত৷
এ এছ– ৩০–৮৭৬৬ নম্বৰৰ পাইলট বলেৰ’ গাড়ীখনৰ সৈতে এ এছ ০৫ চি ৬৩০৮ নম্বৰৰ ডাম্পাৰৰ মাজত মুখামুখি সংঘর্ষ হয়৷ সংঘর্ষত পাইলট গাড়ীখনৰ তিনিজন নিৰাপত্তাৰক্ষী সামান্যভাৱে আঘাতপ্রাপ্ত হয়৷
অৱশ্যে প্রাক্তন মুখ্যমন্ত্রী সোণোৱালৰ গাড়ীৰ কোনোধৰণৰ ক্ষতি হোৱা নাই আৰু প্রাক্তন মুখ্যমন্ত্রীগৰাকী সুকলমে আছে বুলি জানিব পৰা গৈছে৷
আহতকেইজনক বোকাখাত শ্বহীদ কমলা মিৰি অসামৰিক চিকিৎসালয়ত প্রাথমিক চিকিৎসা প্রদান কৰা হয়৷ জানিব পৰা মতে ডিব্রুগড অভিমুখী আছিল প্রাক্তন মুখ্যমন্ত্রী সর্বানন্দ সোণোৱালৰ কনভয়৷