বিজনী গেৰুকাবাৰী পথত ড্ৰাগছৰ বিৰুদ্ধে আৰক্ষীৰ অভিযানঃ ড্ৰাগছসহ গ্ৰেপ্তাৰ এজন ড্ৰাগছ সৰবৰাহকাৰী

নিয়মীয়া বাৰ্তা  ১জুলাই: চিৰাং জিলাৰ বিজনী গেৰুকাবাৰী পথত ড্ৰাগছৰ বিৰুদ্ধে আৰক্ষীৰ অভিযান। ড্ৰাগছসহ গ্ৰেপ্তাৰ এজন ড্ৰাগছ সৰবৰাহকাৰী। ধৃত সৰবৰাহকাৰী জন ঘৰ বিজনীৰ নিকটবৰ্তী কাৱাটিকা নিবাসী আবজাল হুছেইন(২৮)। বিজনী মহকুমা আৰক্ষী বিষয়া শেখৰজ্যোতি ৰয়, নেতৃত্বত আৰক্ষীৰ গোপন খবৰৰ ভিত্তিত বিজনী গেৰুকাবাৰী পথৰ তালাচী চকীত ড্ৰাগছসহ আটক কৰা হয় সৰবৰাহকাৰী জনক।

আৰক্ষীয়ে সৰবৰাহকাৰী জনৰ পৰা AS 19M 4473 নম্বৰৰ এখন ৰয়েল এনফিল্ড, ১১ টা হেৰোইন ভৰ্তি কণ্টেইনাৰ, ২৮ টা খালি কণ্টেইনাৰ আৰু ৪১.৪৫ গ্ৰাম ওজনৰ এটা হেৰোইন ভৰ্তি পেকেট জব্দ কৰিবলৈ সক্ষম হয়। জব্দকৃত হেৰোইন সমূহৰ ওজন ৪২.২৭ গ্ৰাম বুলি আৰক্ষীৰ সূত্ৰত প্ৰকাশ। আৰক্ষীয়ে ধৃত সৰবৰাহকাৰী আবজাল হুছেইনক আটক বিজনী থানালৈ লৈ আহি তদন্ত অব্যাহত ৰাখিছে।