নিয়মীয়া বাৰ্তা ২০ অক্টোবৰঃ ভৱানীপুৰ সমষ্টিৰ বিজেপি প্ৰাৰ্থী ফণীধৰ তালুকদাৰৰ হৈ বাক্সাৰ শালবাৰীৰ ৰূপহী আৰু গাতিত দুখনকৈ নিৰ্বাচনী সভাত অংশ লয় মুখ্যমন্ত্ৰী ড° হিমন্ত বিশ্ব শৰ্মাই । নিৰ্বাচনী প্ৰচাৰ সভাত অংশ লৈ মুখ্যমন্ত্ৰী গৰাকীৰ মন্তব্য কৰে যে বিপিএফ-কংগ্ৰেছ-এআই ইউডিএফকে ধৰি সকলো দলে বিজেপিক সমৰ্থন জনাইছে । ভৱানীপুৰ সমষ্টিত ভোটৰ ব্যৱধান নাথাকে । ইয়াত গ’লকিপাৰ নাই । অসমত এটা সময়ত অসমক ভাল পোৱা মানুহবোৰ একগোট হ’বই লাগিব । অসমীয়া , বড়ো, ৰাভা, চাহ জনজাতি আমি যদি সকলো একত্ৰিতভাৱে থাকিব নোৱাৰিলে দহ বছৰ পিছত অসমত কোনো থাকিব নোৱাৰিব । ৰূপহী – গাতিত হ’ব ৩০ খন বিছনাযুক্ত হস্পিতাল । উন্নত হ’ব মানাহ ৰাষ্ট্ৰীয় উদ্যান – ভৱানীপুৰ সংযোগী পথ ।
উল্লেখ্য যে , গাতিত অনুষ্ঠিত নিৰ্বাচনী সভাখনত অৱড়ো সুৰক্ষা সমিতিৰ মুখ্য উপদেষ্টা ব্ৰজেন মহন্ত, অবড়ো নেতা পুলিন দাসে আনুষ্ঠানিকভাৱে বিজেপি দলত যোগদান কৰে ।
মুখ্যমন্ত্ৰী গৰাকীয়ে গাতি অঞ্চলৰ ৰাইজৰ অনুৰোধত নেমুটেঙা চৰৱত সেৱন কৰাৰ দৃশ্যই আকৰ্ষিত কৰে ভোটাৰ ৰাইজক ।
আজিৰ নিৰ্বাচনী সভাত বিটিআৰ প্ৰধান প্ৰমোদ বড়ো , মন্ত্ৰী উৰ্খাও গৌৰা ব্ৰহ্ম, জয়ন্ত মল্ল বৰুৱা , কন্ঠশিল্পী সিমান্ত শেষৰ, বিদ্যাসাগৰে অংশগ্ৰহণ কৰে ।