নিয়মীয়া বাৰ্তা, ১ নৱেম্বৰঃ নগাঁও মেলেৰিয়া বিভাগৰ পাঁচজন অৱসৰপ্ৰাপ্ত কৰ্মচাৰীক আজি আনুষ্ঠানিক ভাৱে বিদায় সম্ভাষণ জনোৱা হয় ।নগাঁও জিলা মেলেৰিয়া বিভাগৰ জ্যেষ্ঠ সহায়ক চন্দ্ৰ কলিতা ,গৃহ পৰিদৰ্শক গুণকান্ত বৰা, হেমেন্দ্ৰ শইকীয়া, চতুৰ্থ শ্ৰেণীৰ কৰ্মচাৰী ধৰ্মেশ্বৰ কলিতা, মুকুল চন্দ্ৰ বৰাই অৱসৰ গ্ৰহণ কৰাত আজি নগাঁও জিলা মেলেৰিয়া বিভাগৰ কাৰ্যালয়ত অনুষ্ঠিত এক অনুষ্ঠানত তেওঁলোকক সম্বৰ্ধনা জনোৱা হয় । এই উপলক্ষে নগাঁও জিলা মুখ্য চিকিৎসা আৰু স্বাস্থ্য বিষয়া (সংক্ৰমণ ৰোগ )ডাঃ অৰূপজ্যোতি মহন্তৰ সভাপতিত্বত অনুষ্ঠিত সভাত অৱসৰপ্ৰাপ্ত কৰ্মচাৰী কেইজনে স্বাস্থ্য বিভাগত নিষ্ঠাৰে সেৱা আগবঢ়াই অহাৰ কথা উল্লেখ কৰি মেলেৰিয়া বিভাগৰ বিষয়া কৰ্মচাৰী সকলে তেওঁলোকৰ সুস্বাস্থ্য আৰু দীৰ্ঘায়ু কামনা কৰে ।সভাত নগাঁও জিলা স্বাস্থ্য বিভাগৰ প্রাক্তন যুটীয়া সঞ্চালক ডাঃ দিলীপ কুমাৰ শৰ্মা , নগাঁও জিলা মেলেৰিয়া বিষয়া সান্তনা শৰ্মাৰ লগতে আন বিষয়া কৰ্মচাৰী ক্ৰমে শ্বেহনাজ বেগম ,জিতেন বৰদলৈ ,ৰমেশ মুদৈ ,নিজৰা শইকীয়া আদিয়ে অংশগ্ৰহণ কৰে