নিয়মীয়া বাৰ্তা ৬ নৱেম্বৰত: বৰপেটা জিলাৰ কলগাছিয়া আৰক্ষী থানাৰ অন্তৰ্গত তিতাপানী গাওঁৰ খুশি মোহন আৰ্য্যৰ পুত্ৰ অধীৰ আৰ্য্য আৰু মানিক আৰ্য্যৰ ঘৰত সংগঠিত হৈছে এক ভয়ংকৰ অগ্নিকাণ্ড। জানিব পৰা মতে বিদ্যুৎৰ শ্বৰ্ট চাৰ্কিটৰ ফলত জুইৰ সূত্ৰপাত হোৱা বুলি জানিব পৰা গৈছে । অগ্নিকাণ্ডত নগদ ৫ লাখ টকা সহ ১৫ লাখ টকাৰ সা-সামগ্ৰী, ৪ টা ঘৰ, মাটি বাৰীৰ নথি,ভোটাৰ কাৰ্ড, আধাৰ কাৰ্ড, স্কুল-কলেজৰ নথিৰ লগতে বিভিন্ন ধৰণৰ নথি আৰু বাইক,টিভি, ঘৰৰ আচবাব সম্পূৰ্ণ জুইত জাহ যায়। স্থানীয় ৰাইজৰ তৎপৰতাত জুই নুমুৱাবলৈ সক্ষম হয়। ৰাইজে ভুক্তভোগী পৰিয়ালটোক চৰকাৰক সাহায্য প্ৰদান কৰিবলৈ দাবী জনাইছে অঞ্চলটোৰ জনসাধাৰণে ।