বিশেষ বাৰ্তা, ২৭ ছেপ্টেম্বৰঃ ইৰাকত বিবাহ অনুষ্ঠান চলি থাকোতে কাৰাক’ছৰ বিবাহ ভৱনত বিধ্বংসী অগ্নিকাণ্ডত অতি কমেও শতাধিক লোকৰ প্রাণহানি হৈছে৷ অগ্নিকাণ্ডত চাৰি শতাধিক লোক আহত হৈছে৷ বিবাহ অনুষ্ঠানৰ ভিডিঅ’ প্রত্যক্ষ কৰা মতে দৰা–কইনাই নৃত্য কৰি থকাৰ সময়তে জুই–ধোঁৱাই গৃহটো ঘেৰি ধৰে৷ জুইয়ে নিমিষতে বিবাহ ভৱনটো আৱৰি ধৰাত শতাধিক লোক অগ্নিদগ্ধ হয়৷ জুইত দগ্ধ হোৱা চাৰি শতাধিক আহত লোকক চিকিৎসালয়ত ভর্তি কৰোৱা হৈছে৷ আতচবাজীৰ বাবে এই ভয়াৱহ অগ্নিকাণ্ডটো সংঘটিত হৈছে৷ অগ্নিকাণ্ডটো ইমানেই ভয়াৱহ আছিল যে ভৱনটো নিমিষতে জুইত জাহ যায়৷ অঞ্চলটোৰ ৰাজনীতি মছুলৰ পৰা ১৫ কিলোমিটাৰ নিলগত এইঅগ্নিকাণ্ডটো সংঘটিত হৈছে৷ চিকিৎসালয়ত ৰক্তদান কৰিবলৈ বহুসংখ্যক লোক উপস্থিত হৈছে৷ এই অগ্নিকাণ্ডত বিবিচিকে ধৰি বিভিন্ন আন্তর্জাতিক সংবাদ মাধ্যমে দৰা–কইনাৰো মৃত্যু হোৱা বুলি প্রকাশ কৰিছে যদিও অল জাজিৰাই অগ্নিদগ্ধ অৱস্থাত আহত দৰা–কইনাক উদ্ধাৰ কৰা হৈছে বুলি প্রকাশ কৰিছে৷ জীৱিত অৱস্থাত থকা দৰা–কইনাক চিকিৎসালয়ত ভর্তি কৰোৱা বুলি বাতৰিটোত প্রকাশ পাইছে৷ ইৰাকৰ প্রধানমন্ত্রীয়ে প্রকাশ কৰা মতে এই বিধ্বংসী অগ্নিকাণ্ডত নিহতৰ সংখ্যা বৃদ্ধি পোৱাৰ সম্ভাৱনা আছে৷