বিশেষ বাৰ্তা, ৭ ডিচেম্বৰঃ চাৰি দিনৰ অন্তত অৱশেষত আজি তেলেংগানাৰ মুখ্যমন্ত্ৰী হিচাপে শপত গ্ৰহণ কৰে ৰেভান্ত ৰেড্ডীয়ে। হায়দৰাবাদৰ এল বি ষ্টেডিয়ামত আয়োজিত এই কাৰ্যসূচীত লাখ লাখ লোকৰ উপস্থিতিত ৰাজ্যপাল তামিলিছাই সুন্দৰৰাজনে ৰেৱন্ত ৰেড্ডীক শপত গ্ৰহণ কৰায়। এই বিশেষ অনুষ্ঠানটোত বহু লোক উপস্থিত থাকে। ৰেৱন্ত ৰেড্ডীৰ সৈতে মল্লু ভট্টী বিক্ৰমাৰ্কাই উপ-মুখ্যমন্ত্ৰী হিচাপে শপত গ্ৰহণ কৰে। এইসকলৰ উপৰি নলমাদা উত্তম কুমাৰ ৰেড্ডী, চি দামোদৰ ৰাজনাৰসিংহ, কমতিৰেড্ডী ভেংকটা ৰেড্ডী, দুডিলা শ্ৰীধৰ বাবু, পংগুলেটি শ্ৰীনিবাস ৰেড্ডী, পোন্নম প্ৰভাকৰ, কোণ্ডা সুৰেখা, ডি কেবিনেট মন্ত্ৰী হিচাপে শপত গ্ৰহণ কৰিছে। শপত গ্ৰহণ অনুষ্ঠানত কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খাৰ্গে, সংসদীয় দলৰ সভানেত্ৰী ছোনিয়া গান্ধী, ৰাহুল গান্ধী, প্ৰিয়ংকা গান্ধী, দীপেন্দ্ৰ হুদা আদি উপস্থিত থাকে। ইয়াৰ উপৰি এই অনুষ্ঠানত কংগ্ৰেছৰ আন বহু জ্যেষ্ঠ নেতাও উপস্থিত আছিল। হিমাচল প্ৰদেশৰ মুখ্যমন্ত্ৰী সুখৱিন্দৰ সিং চুখু, কৰ্ণাটকৰ মুখ্যমন্ত্ৰী সিদ্ধাৰমাইয়া আৰু উপ-মুখ্যমন্ত্ৰী ডি কে শিৱকুমাৰ আৰু চি পি আইৰ সাধাৰণ সম্পাদক ডি ৰাজা ৰেৱন্ত ৰেড্ডীয়েও উপস্থিত থাকে। নিৰ্বাচনৰ ফলাফল অহাৰ পিছত মুখ্যমন্ত্ৰীৰ দৌৰত বহু নাম আছিল। হঠাৎ খবৰ আহিল যে ৰেৱান্ত ৰেড্ডী ৰাজ্যৰ মুখ্যমন্ত্ৰী হ’ব আৰু তেওঁ সোমবাৰে সন্ধিয়া শপত গ্ৰহণ কৰিব। সূত্ৰ অনুসৰি ইয়াৰ পিছত দলৰ একাংশ নেতাই প্ৰতিবাদ কৰিবলৈ আৰম্ভ কৰে আৰু শপত গ্ৰহণ অনুষ্ঠান বাতিল কৰিবলগীয়া হয়। ইয়াৰ পিছত দলটোৰ হাইকমাণ্ডে দিল্লীত ৰেৱন্ত ৰেড্ডীৰ নাম ঘোষণা কৰে। কোৱা হৈছে যে ছবাৰৰ বিধায়ক তথা কংগ্ৰেছৰ প্ৰাক্তন ৰাজ্যিক সভাপতি এন. উত্তম কুমাৰ ৰেড্ডী আৰু মল্লু ভট্টি বিক্ৰমাৰ্কে ৰেৱন্ত ৰেড্ডীৰ বিৰোধিতা কৰিছিল। অৱশ্যে ৰেৱান্তৰ বিৰোধীয়ে তেওঁক মুখ্যমন্ত্ৰী হোৱাৰ পৰা বাধা দিবলৈ যৎপৰোনাস্তি চেষ্টা কৰিছিল যদিও তেওঁ দলৰ শীৰ্ষ নেতাৰ প্ৰথম পছন্দ হৈয়েই থাকিল। দৰাচলতে তেলেংগানাত নিৰ্বাচনৰ তাৰিখ ঘোষণাৰ পূৰ্বে আৰু পিছতো বি আৰ এছৰ বিৰুদ্ধে কংগ্ৰেছৰ প্ৰচাৰৰ মুখ হৈয়েই থাকিল। ২০২৩ চনৰ বিধানসভা নিৰ্বাচনত ১১৯খন আসনৰ ভিতৰত ৬৪খন আসনত জয়লাভ কৰিছে কংগ্ৰেছে।
#বাৰ্তা ডেস্ক