গুৱাহাটী, ১১ নৱেম্বৰঃ মহানগৰীৰ গুৱাহাটী চেণ্ট্ৰেলৰ সন্মুখত সংঘটিত গ্ৰেণেড বিস্ফোৰণৰ ঘটনাত প্ৰাণময় ৰাজগুৰু, জাহ্নৱী শইকীয়াকে ধৰি ৮ জন অভিযুক্তৰ বিৰুদ্ধে সোমবাৰে চাৰ্জশ্বীট দাখিল কৰে অনুসন্ধানকাৰী সংস্থা নিয়াই । ৰাষ্ট্ৰৰ বিৰুদ্ধে বিদ্ৰোহ, অস্ত্ৰ-শস্ত্ৰৰ অবৈধ সৰবৰাহ, বিস্ফোৰক সামগ্ৰীৰ অবৈধ ব্যৱহাৰ, নিসিদ্ধঘোষিত আলফা (স্বা)ক সহায় কৰাৰ অভিযোগত নিয়াই তেওঁলোকৰ বিৰুদ্ধে চাৰ্জশ্বীট দাখিল কৰে । লগতে ধৃত লোককেইজনক ভাৰতীয় দণ্ডবিধি, এক্সক্লুছিভ ছাবষ্টেনছ এক্ট আৰু বে-আইনী কাৰ্যকলাপ প্ৰতিৰোধ আইনৰ বিভিন্ন ধাৰাত অভিযুক্ত কৰা হৈছে ।
উল্লেখ্য যে মহানগৰীৰ ব্যস্ত অঞ্চল আৰ জি বৰুৱা পথৰ গুৱাহাটী চেণ্ট্ৰেলৰ সন্মুখত ১৫ মে’ৰ সন্ধিয়া গ্ৰেণেড বিস্ফোৰণ সংঘটিত হৈ প্ৰায় ১২ জন লোক গুৰুত্বৰ ভাৱে আহত হৈছিল ।