এটাৰ পাছত আনটো গোচৰঃ প্ৰেমিকা ৰিয়াৰ বিৰুদ্ধে এইবাৰ বিহাৰত গোচৰ ৰুজু

নিয়মীয়া বাৰ্তা, ২১ জুনঃ অভিনেতা সুশান্ত সিং ৰাজপুতৰ আত্মহত্যা সন্দৰ্ভত অভিনেত্ৰী ৰিয়া চক্ৰৱৰ্তীৰ বিৰুদ্ধে এইবাৰ বিহাৰত গোচৰ ৰুজু হৈছে ।

ৰিয়াৰ বিৰুদ্ধে এইবাৰ সুশান্তক আত্মহত্যাৰ বাবে বাধ্য কৰোৱাৰ অভিযোগ তুলি এক গোচৰ ৰুজু হৈছে ।

মুজাফ্ফাৰপুৰৰ বাসিন্দা কুন্দন কুমাৰে শনিবাৰে মুখ্য সত্ৰ ন্যায়াধীশ আদালতত ৰিয়াৰ বিৰুদ্ধে গোচৰ তৰে । ভাৰতীয় দণ্ডবিধি আইনৰ ৩০৬ আৰু ৪২০ ধাৰাত এই গোচৰটো ৰুজু কৰা হৈছে ।

উল্লেখ্য যে উক্ত গোচৰটো ২৪ জুনত শুনানি হ’ব ।

কুন্দনৰ অভিযোগ- “অভিনেত্ৰী ৰিয়াই সুশান্তক তেওঁৰ প্ৰেমৰ জালত পেলাইছিল । সুশান্তৰ সহায়ত ৰিয়াই তাইৰ কেৰিয়াৰত বহুত লাভ উঠাইছিল । যেতিয়া তাইৰ স্বাৰ্থ সিদ্ধি হ’ল তাৰ পাছৰ পৰায়ে সুশান্তক আৰ্থিক আৰু মানসিকভাৱে অত্যাচাৰ কৰিবলৈ ল’লে । যাৰ পাছতে সুশান্তই মুম্বাইস্থিত বাসগৃহত আত্মহত্যা কৰে ।”