বিশেষ বাৰ্তা, ১৪ জুন : সোণাৰি নগৰৰ ৮নং ৱাৰ্ড গেছ গুদাম অঞ্চলত অজগৰৰ আতংকই বিৰাজ কৰিছে। যোৱানিশা অঞ্চলটোৰ নিবাসী শান্ত গনকৰ বাসগৃহত এডাল প্ৰকাণ্ড অজগৰ পৰিয়ালৰ লোকে প্ৰত্যক্ষ কৰে। এনেতে ঘৰৰ গৃহস্থই প্ৰকাণ্ড অজগৰ দেখি আতংকিত হৈ নিশা নিজ বাসগৃহৰ পৰা উলাই যায়। পুৱাই গৃহস্থই সোণাৰি আঞ্চলিক বন বিষয়াৰ কাৰ্য্যালয়ত খবৰ দিয়ে। পাছত বন বিভাগৰ দল এটা লোকজনৰ ঘৰত উপস্থিত হয় যদিও বন কৰ্মীসকলে সাপডালৰ সন্ধান উলিয়াবলৈ সক্ষম নহয়। পৰৱৰ্তী সময়ত আতংকিত লোকজনে স্থানীয় ৰাইজৰ সহায়ত সাপডালৰ সন্ধান বিচাৰি বাসগৃহৰ এটা এটাকৈ ঘৰৰ সকলো কোঠা খান্দি পেলাই যদিও সাপডালৰ কোনো শুংসূত্র নাপালে। উল্লেখ্য যে দুদিন পূৰ্বে একে অঞ্চলৰ এজন লোকৰ ছাগলী এটা উক্ত অজগৰে ভক্ষণ কৰাৰ কথা পোহৰলৈ অহাৰ পাছতে এতিয়া অঞ্চলটোৰ ৰাইজৰ মাজত আতংকই বিৰাজ কৰিছে।
প্ৰেৰক দীপাংকৰ পাল