নিয়মীয়া বাৰ্তা ২৩ এপ্ৰিলঃ ক’ৰোনা সংক্ৰণৰ ৰোধৰ বাবে সমগ্ৰ দেশত চলি আছে লকডাউন। কিন্তু তাৰ মাজতে তেজপুৰত অত্যাৱশ্যকীয় সেৱাৰ নামত একাংশই চলাই আহিছে চোৰাং ব্যৱসায় ৷ গৰুৰ দানা কঢি়ওৱাৰ অনুমতি লৈ সৰবৰাহ কৰে সম্প্ৰতি নিষিদ্ধ ঘোষনা কৰা ধপাত আৰু গুটখা জাতীয় সামগ্ৰী ৷ আজি তেজপুৰ আৰক্ষীয়ে অভিযান চলাই জব্দ কৰিবলৈ সক্ষম হয় As-12E 9030 নম্বৰৰ এখন বলেৰ পিক্আপ ভান ৷ অবৈধ নিচাযুক্ত দ্ৰব্য লৈ উক্ত বাহনখনে কন্যকাৰ পশু খাদ্যৰ কঢ়িওৱাৰ বাবে অনুমতি লাভ কৰিছিল ৷ সেই অনুমতি পত্ৰ লৈ গাড়ীৰ চালক ফৰুক আব্দুলা আৰু নিচাযুক্ত দ্ৰব্যৰ চোৰাং ব্যৱসায়ী ছাদ্দাম শেখে তেজপুৰৰ দোলাবাৰীৰ পৰা প্ৰায় ১ লাখ টকাৰ মূল্যৰ ধপাত সৰবৰাহ কৰোতেই আৰক্ষীৰ হাতত ধৰা পৰে ৷সম্প্ৰতি ছাদ্দাম আৰু ফাৰুক আৰক্ষীৰ জিম্মাত আৰু জব্দকৰা গাড়ীসহ ধপাত খিনিও আৰক্ষী জব্দ কৰে ৷ আৰক্ষীয়ে এই সন্দৰ্ভত তদন্ত অব্যাহত ৰাখিছে।