নিয়মীয়া বাৰ্তা, ১ এপ্ৰিলঃ মঙলবাৰে সন্ধিয়া স্বাস্থ্যমন্ত্ৰী হিমন্ত বিশ্ব শৰ্মাই অসমৰ প্ৰথমগৰাকী ক’ৰোনা আক্ৰান্ত ৰোগীৰ তথ্য প্ৰকাশ কৰাৰ পাচতেই বুধবাৰে আন চাৰিজন লোকো ক’ৰোনাত আক্ৰান্ত হোৱাৰ তথ্য দাঙি ধৰে । বুধবাৰে ঘোষিত চাৰিজন আক্ৰান্তৰ সৈতে মুঠ অসমত আক্ৰান্তৰ সংখ্যা বৃদ্ধি পালে ৫ জনলৈ ।
উল্লেখ্য যে, বুধবাৰে ফলাফল অহা চাৰিওজন ক’ৰোনা আক্ৰান্ত ৰোগীয়েই দিল্লীৰ নিজামুদ্দিন মাৰ্কাজৰ পৰা অহা বুলি জানিবলৈ দিছে । এই চাৰিজন আক্ৰান্ত হ’ল মঃ হজৰত আলী, জাগীৰোড, আৰ্ছাদ আলী, নলবাৰী, নুৰুদ্দিন, জাগীৰোড , জোনাব আলী, জাগীৰোড । আটাইকেইজনৰ সংস্পৰ্শলৈ অহা লোকসকলক অচিৰেই চিকিৎসকৰ কাষ চপাৰ আহ্বান স্বাস্থ্যমন্ত্ৰীৰ । ইফালে, দিল্লীৰ নিজামুদ্দিনৰ সমাৱেশলৈ যোৱা আন চাৰিগৰাকী অসমৰ লোক দিল্লীত আক্ৰান্ত হৈছে ক’ৰোনাত । বৰ্তমানো তেওঁলোক দিল্লীত আছে ।