নিয়মীয়া বাৰ্তা, ১৬ ডিচেম্বৰঃ নাগৰিকত্ব সংশোধনী আইনক লৈ ৰাজ্যৰ প্ৰান্তে প্ৰান্তে প্ৰতিবাদ অব্যাহত থকাৰ সময়তে ৰাজ্যৰ দহ জিলাত বাতিল কৰা হৈছিল ইণ্টাৰনেট সেৱা । এইয়া ইণ্টাৰনেট সেৱা বাতিল আজি অৰ্থাৎ সোমবাৰলৈকে আছিল যদিও পুনৰ একক জাননীৰ জৰিয়তে ২৪ ঘণ্টালৈ বৃদ্ধি কৰা হৈছে এই সেৱা বাতিল ।
মঙলবাৰলৈকে বাতিল হৈ থাকিব লগা ইণ্টাৰনেট সেৱা পুনৰ কেতিয়া কাৰ্যক্ষম হৈ উঠিব সেয়া এতিয়াও অস্পষ্ট । লখিমপুৰ , ধেমাজি, তিনিচুকীয়া, ডিব্ৰুগড়, চৰাইদেউ, শিৱসাগৰ, যোৰহাট, গোলাঘাট , কামৰূপ মহানগৰ আৰু কামৰূপ গ্ৰাম্য জিলাত ইণ্টাৰনেট সেৱা বন্ধ হৈ থকাৰ ফলত এতিয়া বহু চৰকাৰী কাৰ্যালয়ৰ লগতে ব্যক্তিগত প্ৰতিষ্ঠানসমূহৰ কাৰ্যত বাধাৰ সৃষ্টি হৈছে ।