নিয়মীয়া বাৰ্তা, ৪ জানুৱাৰীঃ কাইলৈ গুৱাহাটীত অনুষ্ঠিত হ’ব লগা ভাৰত-শ্ৰীলংকাৰ টী ২০ মেচৰ বাবে ইতিমধ্যে গুৱাহাটীত উপস্থিত হৈছে দুয়োটা দলৰে খেলুৱৈসকল । খেলুৱৈসকলৰ সমান্তৰালকৈ এতিয়া অত্যন্ত উৎসাহী হৈ পৰিছে সমৰ্থক আৰু ক্ৰীড়াপ্ৰেমীসকল । ইতিমধ্যে গুৱাহাটীত আহি উপস্থিত হৈছেহি ভাৰতীয় দলৰ অন্যতম সমৰ্থক সুধীৰ কুমাৰ চৌধুৰী ।
সংবাদ মাধ্যমক সম্বোধন কৰি সুধীৰ কুমাৰে জানিবলৈ দিয়ে যে, শ্ৰীলংকাৰ সৈতে ভাৰতৰ প্ৰথমখন টী২০ ত ভাৰতৰ নিশ্চিতভাৱে জয়লাভ কৰিব । ভাৰতীয় দলক সকলোতকৈ মহান বুলি উল্লেখ কৰি শংখ বজায় আনন্দ প্ৰকাশ কৰা দেখা যায় সুধীৰ কুমাৰক । উল্লেখ্য যে, ভাৰতীয় দলৰ প্ৰতিখন খেলতে উপস্থিত থাকি ঘৰুৱা দলটোক উৎসাহ প্ৰদান কৰি আহিছে এইগৰাকী অন্যতম সমৰ্থকে ।