নিয়মীয়া বার্তা, ১৫ ফেব্রুৱাৰীঃ পশ্চিম কামৰূপ বন সংমণ্ডলৰ অন্তর্গত বামুণীগাঁৱত শুকুৰবাৰে প্রকৃতিৰ জমাদাৰখ্যাত প্রায় ১০টা মৃত শগুন উদ্ধাৰ হয় ৷ ছয়গাঁও সমষ্টিৰ অন্তর্গত বামুণীগাঁও ফার্মহাউছৰ পিছফালে উদ্ধাৰ হয় মৃত শগুনকেইটা ৷ বামুণীগাঁও বন বিভাগে উদ্ধাৰ কৰে ১০টাকৈ মৃত শগুন ৷ আনহাতে, অসুস্থ অৱস্থাত উদ্ধাৰ হয় ২টা শগুন ৷ অসুস্থ শগুন ২টা জৰুৰীকালীন চিকিৎসাৰ বাবে ৰাণীৰ গৱেষণা কেন্দ্রলৈ চিকিৎসাৰ বাবে লৈ যোৱা হয় ৷ কুকুৰ মাৰিবলৈ মৃত ছাগলীত বিহ দিয়াৰ ফলত এনেদৰে দহটাকৈ শগুনৰ মৃত্যু হোৱা বুলি সন্দেহ কৰা হৈছে ৷