নিয়মীয়া বাৰ্তা, ২৬ ফেব্ৰুৱাৰীঃ ৰাজ্যত যান–বাহন আইন উলংঘাৰে চলাচল কৰা ডাম্পাৰৰ দৌৰাত্ম্য ৰোধৰ বাবে প্রতিখন জিলাত টাস্ক ফ’চ গঠনৰ নির্দেশ দিছে অসম আৰক্ষীৰ আইন–শৃংখলাৰ এ ডি জি পি জি পি সিঙে৷
ৰাজহুৱা অভিযোগৰ ভিত্তিত এডিজিপি সিঙে কামৰূপ (ম) জিলাৰ আৰক্ষী আয়ুক্তৰ লগতে প্রতিখন জিলাৰ আৰক্ষী অধীক্ষকক শীঘ্রেই এই নির্দেশ কার্যকৰী কৰাৰ আহ্বান জনায়৷
উল্লেখ্য যে গুৱাহাটী মহানগৰীৰ লগতে বিভিন্ন স্থানত একাংশ ডাম্পাৰে নাম্বাৰ প্লেট, ইনডিকেটৰ, লাইট, যাৱতীয় নথি–পত্র আদি নথকাকৈ চলাচল কৰি আহিছে৷ আইন উলংঘাৰে ৰাজপথত চলাচল কৰা ডাম্পাৰৰ বিৰুদ্ধে আৰক্ষীয়ে কোনোধৰণৰ ব্যৱস্থা গ্রহণ কৰা পৰিলক্ষিত হোৱা নাই৷ এই নির্দেশৰ পাছতে বঙাইগাঁও জিলাৰ আৰক্ষী অধীক্ষকে ১০গৰাকী আৰক্ষী বিষয়াক লৈ এটা টাস্ক ফ’চ গঠন কৰি দিছে৷
In light of complaints received, all district police units including guwahati commissionerate have been directed to form task force to sort out issues related to dumpers. A representative order issued today is cited. Hope to see improvement in coming days. @assampolice pic.twitter.com/YXGSFOOlhl
— GP Singh (@gpsinghassam) February 24, 2020