নিয়মীয়া বাৰ্তা,১৫ ফেব্রুৱাৰীঃ তেজপুৰত ৰাষ্ট্রীয় ঘাইপথত বৃহস্পতিবাৰে নিশা সংঘটিত এক পথ দুর্ঘটনাত এজন যুৱকৰ মৃত্যু হোৱাৰ লগতে দুজন যুৱক গুৰুতৰভাৱে আহত হয় ৷ আহত দুয়োজন যুৱক বর্তমান গুৱাহাটীত চিকিৎসাধীন হৈ আছে ৷ মৃত যুৱকজনৰ নাম খুলেন্দ্র নাথ আৰু আহত যুৱক দুজন হ’ল বিপ্লৱ নাথ, নৱ দাস ৷ নিশা প্রায় ১১ বজাত এ এছ–১২ বি চি–২১৮৬ নম্বৰৰ এখন মিনি ড্রাকত তিনিওজন যুৱক গৈ থকা অৱস্থাত তেজপুৰ সদৰ থানাৰ অন্তর্গত শিৱ মন্দিৰৰ সমীপত বিপৰীত দিশৰ পৰা অহা এখন ট্ৰাকে খুন্দা মাৰে ৷ দুর্ঘটনাটোত ঘটনাস্থলীতে খুলেন্দ্র নাথৰ মৃত্যু হয় ৷