নিয়মীয়া বার্তা, ২৪ জানুুৱাৰীঃ গোৱালপাৰা জিলাৰ ৰংজুলিত আজি সংঘটিত হয় এটা শোকাৱহ পথ দুর্ঘটনা ৷ আজি পুৱতি নিশা ১৭ নং ৰাষ্ট্ৰীয় ঘাই পথত কঠাল গছত খুন্দিয়াই চুচুৰ্মৈ হয় এখন যাত্ৰীবাহী ট্ৰেভেলাৰ ।
ৰংজুলি ৰাজহুৱা শ্মশানৰ সমীপত সংঘটিত এই দুৰ্ঘটনাটো ইমানেই ভয়ংকৰ আছিল যাত্ৰীবাহী ট্ৰেভেলাৰখন সম্পূৰ্ণ বিধ্বস্ত হৈ যোৱাৰ বিপৰীতে প্ৰকাণ্ড কঠাল গছজোপা উঘালি পৰে ।
ইপিনে এই দুৰ্ঘটনাত ৩০ জন যাত্ৰী গুৰুতৰ ভাবে আহত হোৱাৰ বিপৰীতে থিতাতে নিহত হয় ২ জন লোক । নিহত লোকদুজন ক্ৰমে জুৰিয়া থানাৰ অন্তৰ্গত ভাকুলিপথাৰৰ হবিবুৰ ৰহমান আৰু শিয়ালমাৰীৰ মতিবুৰ ৰহমান ।
উল্লেখ্য যে AS 02 B – C 9954 নম্বৰৰ যাত্ৰীবাহী ট্ৰেভেলাখনে নগাঁৱৰ জুৰিয়ালৈ গৈ থকাৰ সময়তে এই দুৰ্ঘটনাটো সংঘটিত হয় ।