নিয়মীয়া বাৰ্তা, ২২ মাৰ্চঃ সমগ্ৰ বিশ্বতে ক’ৰোনা ভাইৰাছে মাৰাত্মক ৰূপ লৈ থকাৰ সময়তে বিশ্ব চেম্পিয়ন বক্সাৰ তথা সাংসদ মেৰিকমে দায়িত্বজ্ঞানহীনতাৰে কোৱাৰেনটাইম প্ৰট’কল ভংগ কৰাৰ অভিযোগ উঠিছে । কিয়নো ৰাষ্ট্ৰপতি ভৱনৰ চাহ মেলত দুষ্যন্ত সিঙৰ সৈতে উপস্থিত থকা মেৰীকমে ইয়াৰ পূৰ্বে জৰ্ডানৰ আমানত অনুষ্ঠিত এছিয়া-অ’ছেনিয়া অলিম্পিক কোৱালিফায়াৰ্ছত অংশ লৈ দেশলৈ ঘূৰি আহিছিল ।
নিয়ম অনুসৰি তেওঁ ১৪ দিন কোৱাৰেনটাইম প্ৰট’কল মানি চলিব লাগে । কিন্তু তাকে নকৰি যোৱা ১৮ মাৰ্চত ৰাষ্ট্ৰপতি ৰাম নাথ কোৱিন্দে আয়োজন কৰা চাহ মেলত উপস্থিত আছিল মেৰিকম ।
কিন্তু এই অভিযোগ খণ্ডন কৰি বক্সাৰ মেৰিকমে কয়- “জৰ্ডানৰ পৰা ঘূৰি অহাৰ পাছত মই ঘৰতে আছোঁ । মই মাত্ৰ ৰাষ্ট্ৰপতিৰ অনুষ্ঠানতহে উপস্থিত আছিলোঁ । মই দুষ্যন্তক সাক্ষাৎ কৰা নাই আৰু কৰমৰ্দনো কৰা নাই ।”
উল্লেখ্য যে সাংসদ দুষ্যন্ত সিঙক সাক্ষাৎ কৰা বাবে ৰাষ্ট্ৰপতি ৰাম নাথ কোৱিন্দেও ক’ৰোনা ভাইৰাছ পৰীক্ষা কৰিব ।