নিয়মীয়া বাৰ্তা,১৬ নৱেম্বৰঃ ৰাজ্যৰ স্বাস্থ্য আৰু পৰিয়াল কল্যাণ, বিত্ত, গড়কাপ্টানী মন্ত্ৰী হিমন্ত বিশ্ব শৰ্মা দিনযোৰা কাৰ্যসূচীৰে আজি ৰাওনা হৈছে ধেমাজিলৈ । পুৱা ১০.৩০ বজাত বৰঝাৰস্থিত বিমানবন্দৰৰ পৰা ডিব্ৰুগড় অভিমুখে ৰাওনা হোৱাৰ পাচত বগীবিল হৈ চিলাপথাৰত উপস্থিত হ’ব মন্ত্ৰীগৰাকী । মন্ত্ৰী শৰ্মাই ১২.৩০ বজাত মালিনী থআন দৰ্শন কৰি চিলাপথাৰত গড়কাপ্টানী বিভাগৰ এটা অতিথিশালাৰ আধাৰশিলা স্থাপন কৰিব । ইয়াৰ পাছতে ২.৩০ বজাত ধেমাজি অসামৰিক চিকিৎসালয়ত নতুন স্থাপন কৰা কিডনী ডায়েলাইছিছ কেন্দ্ৰটো মুকলি কৰি এক ৰাজহুৱা সভাত অংশগ্ৰহণ কৰিব । তাৰ পিছতে ধেমাজি জিলা বিজেপিৰ কাৰ্যালয়ৰ আধাৰশিলা স্থাপন কৰি গোগামুখত ৰাতিটো কটাই কাইলৈ পুৱা ঢকুৱাখনালৈ ৰাওনা হ’ব । ঢকুৱাখনা অসামৰিক চিকিৎসালয়ৰ আধাৰশিলা , লখিমপুৰ অসামৰিক চিকিৎসালয়ৰ বিনামূলীয়া ডায়েলাইছিছ কেন্দ্ৰ উদ্বোধন কৰি আন কেইবাটাও আঁচনিৰ আধাৰশিলা স্থাপন কৰিব মন্ত্ৰীগৰাকীয়ে ।