নিয়মীয়া বাৰ্তা, ২৩ ডিচেম্বৰঃ চিৰাঙৰ আই নদীৰ পাৰত আজিৰে পৰা আৰম্ভ হ’ল দৈজিং উৎসৱ ৷
আজি উক্ত উৎসৱ মুকলি কৰে বি টি চিৰ মুৰব্বী হাগ্ৰামা মহিলাৰীয়ে ৷
বাৰ দিনীয়াকৈ অনুষ্ঠিত হ’বলগীয়া এই উৎসৱখনি আজিৰে পৰা ৭ জানুৱাৰীলৈ চিৰাঙৰ আই নদীৰ পাৰত অসম পৰ্যটন বিভাগৰ সহযোগত আৰু বিটিচিৰ পৰ্যটন বিভাগৰ উদ্যোগত অনুষ্ঠিত হ’ব। যাৰ বাবে এতিয়া চিৰাঙত এক উখল মাখল পৰিৱেশে বিৰাজ কৰিছে ৷
ইপিনে এইবাৰ দৈজিং উৎসৱৰ বিশেষ আকৰ্ষণ হ’ব হেলিকপ্তাৰ ৰাইডিং, হাতী চাফাৰী, জীপ চাফাৰী, চাইক্লিং, ব’টিং, শ্বুটিংৰ ব্যৱস্থাৰ লগতে থাকিব হট এয়াৰ বেলুন ৰাইড, পেৰাগ্লাইডিং আদি ৷
উল্লেখ্য যে এই দৈজিং উৎসৱত স্থানীয় পৰ্যটনৰ লগতে উত্তৰ পূৰ্বাঞ্চলৰ বিভিন্ন কলা-কৃষ্টি আৰু জনগোষ্ঠীয় কলা সংস্কৃতি আদি ৰাইজৰ আগত দাঙি ধৰাৰ প্ৰয়াস কৰা হৈছে ৷ ইয়াৰোপৰি ৰাজ্যৰ লগতে বাহিৰৰ পৰা অহা শিল্পীৰ সংগীতানুষ্ঠানৰো আয়োজন কৰা হৈছে ৷