নিয়মীয়া বাৰ্তা, ২৬ মাৰ্চঃ অসমৰ মঞ্চ জগতৰ বলিষ্ঠ অভিনেতা তথা মঞ্চ সম্ৰাট উপাধিৰে বিভূষিত সুৰেন মহন্ত আৰু নাই । বুধবাৰে নিশা ৯.৩০ বজাত তেজপুৰৰ টাইমছ হাস্পতালত চিকিৎসাধীন অৱস্থাত বিশিষ্ট অভিনেতাজনৰ পৰলোকপ্ৰাপ্তি ঘটে ।
উল্লেখ্য যে তেজপুৰ গটঙা নিৱাসী সুৰেন মহন্ত মঙলবাৰৰ নিশাৰ পৰা গুৰুত্বৰভাৱে অসুস্থ হৈ অতি সংকটজনক অৱস্থাত স্থানীয় টাইমছ হাস্পতালত ভৰ্তি হৈছিল ।
৭৩ বছৰীয়া এই বলিষ্ঠ অভিনেতাজনৰ মৃত্যুত সমগ্ৰ তেজপুৰৰ লগতে ৰাজ্যৰ সাংস্কৃতিক জগতখনত শোকৰ ছাঁ পৰিছে ।