নিয়মীয়া বাৰ্তা, ১১ এপ্ৰিলঃ মুম্বাইত আত্মহত্যা কৰিছে অসমৰ এগৰাকী ক’ৰোনা আক্ৰান্তই । ৰূপহীহাটৰ পূব শিঙিমাৰীৰ জেহেৰুল ইছলামে ক’ৰোনাত আক্ৰান্ত হোৱাৰ পাতেই আত্মহত্যাৰ পথ বাচি লয় । দিল্লীৰ নিজামুদ্দিন মাৰ্কাজৰ তবলিগী জামাতত অংশ লৈছিল এইগৰাকী জেহেৰুলে ।
উল্লেখ্য যোৱা বছৰ জুন মাহতেই ঘৰৰ পৰা ওলাই গৈছিল এইগৰাকী জেহেৰুল ইছলাম । দিল্লীৰ নিজামুদ্দিন মাৰ্কাজৰ তবলিগী জামাতত অংশ লোৱাৰ পাচতেই মুম্বাইৰ এটা মছজিদত আছিল ইছলাম । তাৰ পাচতেই স্বাস্থ্যকৰ্মীয়ে জেহেৰুলক হাস্পতালৰ আইছুলেচন ৱাৰ্ডত ভৰ্তি কৰিছিল । শৰীৰত ক’ৰোনা ভাইৰাছৰ অৱস্থিতি ধৰা পৰাৰ পাচতেই আত্মহত্যা কৰে এইগৰাকী জেহেৰুল ইছলামে ।