নিয়মীয়া বাৰ্তা, ২৯ মাৰ্চঃ ক’ৰণাৰ বিৰুদ্ধে অব্যাহত আছে যুদ্ধ। এই যুদ্ধত আগশাৰী ভূমিকা লৈছে একাংশ স্বাস্থ্য কৰ্মীয়ে। নিউজ লাইভৰ প্ৰেক্ষাপট অনুষ্ঠানত স্বাস্থ্য মন্ত্ৰী ড০ হিমন্ত বিশ্ব শৰ্মাই স্বাস্থ্য বিভাগৰ বুনিয়াদী স্বাস্থ্য কৰ্মীসকল অৰ্থাৎ আশা, MPWৰ কৰ্মীসকল যিয়ে সমুখ সমৰত অৱতীৰ্ণ হৈছে, প্ৰত্যাহ্বান গ্ৰহণ কৰিছে, তেওঁলোকক REAL HERO আখ্যা দি প্ৰশংসা কৰে।
আনহাতে মন্ত্ৰীগৰাকীৰ এই প্ৰশংসাই নিশ্চয়কৈ মনোবল বৃদ্ধি কৰিছে কৰ্মীসকলক আৰু দূগুণ উৎসাহেৰে কাম কৰিব যাব বুলি মন্তব্য স্বাস্থ্য কৰ্মীৰ। গ্ৰামাঞ্চলৰ লোকসকলৰ ঘৰে ঘৰে গৈ এই ভাইৰাছৰ সংক্ৰমণৰ বিষয়ে বুজাইছে প্ৰতিজন আশাকৰ্মীয়ে। নিজৰ জীৱনকো তুচ্ছ কৰি ৰাইজৰ সেৱাৰ বাবে আগবাঢ়ি অহা এই স্বাস্থ্যকৰ্মী সকলে নীৰৱে যুঁজিছে মহামাৰী কৰ’নাৰ বিৰুদ্ধে।