নিয়মীয়া বাৰ্তা, ২৪ ফেব্ৰুৱাৰীঃ সোমবাৰে খানাপাৰা পশু চিকিৎসা মহাবিদ্যালয় খেলপথাৰত শুভাৰম্ভ কৰা হয় ‘অসম দৰ্শন’ আঁচনিৰ । ৯১৫ গৰাকী আধ্যাত্মিক গুৰুৰ উপস্থিতিত শুভাৰম্ভ কৰা হয় এইখন বিশেষ আঁচনি । এই আঁচনিৰ জৰিয়তে ৯১৫ খন ধৰ্মীয় অনুষ্ঠানলৈ প্ৰথম অৱস্থাত অনুদান দিয়া হৈছে ১০ লাখ কৈ টকা ।
উল্লেখ্যে যে, অসম দৰ্শন আঁচনিৰ অধীনত ধৰ্মীয় অনুষ্ঠানৰ উন্নয়নৰ লগতে ধৰ্মানুষ্ঠানলৈ যোৱা পথ , যোগাযোগ ব্যৱস্থাৰ উন্নয়নৰ বাবে অনুদান প্ৰদান কৰা হ’ব । সোমবাৰে খানাপাৰাত ৯১৫ গৰাকী আধ্যাত্মিক গুৰুৰ লগতে মুঠ দহ হাজাৰ লোকৰ উপস্থিতিত মুখ্যমন্ত্ৰী সৰ্বানন্দ সোণোৱালে শুভাৰম্ভ কৰা এই অনুষ্ঠানত মন্ত্ৰী হিমন্ত বিশ্ব শৰ্মা, বিজেপি সভাপতি ৰঞ্জিত দাস , মন্ত্ৰী কেশৱ মহন্ত , মন্ত্ৰী যোগেন মহনৰ লগতে বহুকেইগৰাকী বিধায়ক উপস্থিত থাকে ।