নিয়মীয়া বাৰ্তা, ১০ এপ্ৰিলঃ ক’ৰোনাৰ ভয়াবহতাৰ মাজতে ৰাজ্যৰ ভিন্ন প্ৰান্তত বৃহস্পতিবাৰে নিশা অহা এজাক ধুমুহা-শিলাবৃষ্টিয়ে তচনচ কৰিলে বহু লোকৰ ঘৰ-দুৱাৰ । গোলাঘাট, মাজুলী, বকো, কমলপুৰ, টিহু, শালবাৰী, চিৰাং আদি ঠাইত ভয়ংকৰ ৰূপ লয় এই ধুমুহাই ।
ইপিনে এই ধুমুহাৰ ফলত ভাঙি পৰিল গছ আৰু উভালি পৰিল বিদ্যুতৰ খুঁটা । ইয়াৰ মাজতে কলগছিয়াত ধুমুহাৰ ফলত চাৰিটাকৈ শিশু আহত হয় ।
ৰাষ্ট্ৰীয় ঘাইপথৰ কেইবাস্থানটো বৃহৎ বৃহৎ গছ বাগৰি পৰা দেখা গৈছে । লগতে কেইবাঠাইতো বাসগৃহত গছ পৰি বিস্তৰ ক্ষতিসাধন কৰে । যাৰ বাবে এতিয়া বহু লোক গৃহহাৰা হ’বলগীয়া হৈছে ।