নিয়মীয়া বাৰ্তা, ২৬ জানুৱাৰীঃ গণৰাজ্য দিৱস উপলক্ষ্যে ঘোষণা কৰা হৈছে অসম আৰক্ষীৰ পদকসমূহ । বৰ্তমান আৰক্ষীৰ আধুনিকীকৰণ শাখাত ডি আই জি হিচাপে কাৰ্যনিৰ্বাহ কৰি থকা নিতুল গগৈলৈ তেওঁৰ উল্লেখ্যনীয় সেৱাৰ বাবে ৰাষ্ট্ৰপতিৰ পুলিচ মেডেল আগবঢ়োৱা হৈছে ।
আনহাতে উৎকৰ্ষ সেৱাৰ বাবে পুলিচ মেডেল লাভ কৰিছে বি টি এ ডিৰ আই জি পি অনুৰাগ আগৰৱালা, আৰক্ষী আয়ুক্তালয়ৰ পৰিদর্শক অশোক কুমাৰ দত্ত, ১৯নং অসম আৰক্ষী বেটেলিয়নৰ এ এছ আই পৰেশ চাহু, প্রথম এ পি বেটেলিয়নৰ হাবিলদাৰ বিপিন চন্দ্র গগৈ, বিশেষ শাখাৰ নায়ক গণেশ কুমাৰ সিং, শদিয়া আৰক্ষী জিলাৰ নায়ক কৃষ্ণকান্ত লাহন, কনিষ্টবল বিনয় সোণোৱাল, বিজয় শইকীয়া, মৰিগাঁৱৰ কনিষ্টবল মইনুল হক লস্কৰ, মান্দাকাটাৰ কমাণ্ডো বেটেলিয়নৰ কনিষ্টবল জনিৰাম বড়ো, সীমান্ত শাখাৰ কনিষ্টবল প্রবীণ কুমাৰ আৰু নগাঁৱৰ কনিষ্টবল জিতেন চন্দ্র নাথে৷